Andreas Byder, framkvæmdarstjóri danska knattspyrnuliðsins Lyngby, segir að félagið hafi boðið Marcel Römer, leikmanni liðsins og fjölskyldu hans, allan þann stuðning sem þau gætu þurft að halda á í kjölfar fráfalls eiginkonu hans, Cecile. Freyr Alexandersson, er þjálfari Lyngby en Marcel er fyrirliði liðsins.,,Hugur allra hjá Lyngby er hjá Marcel, börnum hans og Cecile sem og allri fjölskyldunni. Þetta er óraunveruleg staða sem .au eru í," sagði Andreas Byder, framkvæmdarstjóri Lyngby í samtali við Bold.dk.Römer skrifar hjartnæma kveðju til eiginkonu sinnar, Cecile, á samfélagsmiðlum en hún lést þann 28. febrúar síðastliðinn.,,28.febrúar lést ástin í lífi mínu. Hjarta mitt er brotið, þetta ætti aldrei að gerast. Þú átt þetta ekki skilið, núna sit ég og hugsa um alla draumana og markmiðin sem við áttum sem lífsförunautar og sem fjölskylda."SJÁ EINNIGFyrirliði Freys syrgir eiginkonu sína - ,,28.febrúar lést ástin í lífi mínu“,,Við höfum að sjálfsögðu boðið Marcel og fjölskyldu hans alla þá hjálp sem þau gætu þurft og við munum styðja við bakið á þeim í gegnum þetta. Nú er mikilvægast að Marcel og fjölskyldan fái tíma, ró og pláss til þess að meðtaka það sem hefur gerst. Við vonum að stuðningsmenn Lyngby, fjölmiðlar og aðrir muni virða þetta þessa dökku daga," sagði Andreas Byder, framkvæmdarstjóri Lyngby í samtali við Bold.dk.Mest lesið